ada-shanas nazar dard-ashna na mila

adā-shanās nazar dard-āshnā na milā

koī hasīn zamāne meñ bā-vafā na milā

rah-e-talab meñ mile rāhzan hazār magar

mirā nasīb koī mujh ko rahnumā na milā

koī maqām jabīn-e-niyāz kī ḳhātir

barā-e-sajda dar-e-yār ke sivā na milā

vo mai-kade ke 'alāva kahāñ sukūñ paa.e

hudūd-e-dair-o-haram meñ jise ḳhudā na milā

vo maiñ huuñ rāh-rav-e-zindagī 'amīr' jise

pas-e-talāsh bhī manzil kā kuchh pata na milā

ada-shanas nazar dard-ashna na mila

koi hasin zamane mein ba-wafa na mila

rah-e-talab mein mile rahzan hazar magar

mera nasib koi mujh ko rahnuma na mila

koi maqam jabin-e-niyaz ki KHatir

bara-e-sajda dar-e-yar ke siwa na mila

wo mai-kade ke 'alawa kahan sukun pae

hudud-e-dair-o-haram mein jise KHuda na mila

wo main hun rah-raw-e-zindagi 'amir' jise

pas-e-talash bhi manzil ka kuchh pata na mila