adawat dil mein rakhte ho zaban par pyar kya matlab
adawat dil mein rakhte ho zaban par pyar kya matlab
Master Nisar Ahmad
MORE BYMaster Nisar Ahmad
adāvat dil meñ rakhte ho zabāñ par pyaar kyā matlab
kabhī nafrat kabhī ulfat kā hai iz.hār kyā matlab
chalo ham maan lete haiñ tumhīñ ko rāz-dāñ lekin
karo ho raaz ko ifshā sar-e-bāzār kyā matlab
abhī to Thiik se baiThe nahīñ jaane kī jaldī hai
achānak lauT kar jaane kā hai ai yaar kyā matlab
jo thak kar baiTh jaatā hai use maġhlūb kahte haiñ
musalsal juhd jo kartā hai us kī haar kyā matlab
husūl-e-ilm kī ḳhātir to zarbeñ sahnī paḌtī haiñ
ġharaz islāh hotī hai faqat āzār kyā matlab
adawat dil mein rakhte ho zaban par pyar kya matlab
kabhi nafrat kabhi ulfat ka hai izhaar kya matlab
chalo hum man lete hain tumhin ko raaz-dan lekin
karo ho raaz ko ifsha sar-e-bazar kya matlab
abhi to Thik se baiThe nahin jaane ki jaldi hai
achanak lauT kar jaane ka hai ai yar kya matlab
jo thak kar baiTh jata hai use maghlub kahte hain
musalsal juhd jo karta hai us ki haar kya matlab
husul-e-ilm ki KHatir to zarben sahni paDti hain
gharaz islah hoti hai faqat aazar kya matlab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
