adawaten nasib ho ke rah gain

adāvateñ nasīb ho ke rah ga.iiñ

mohabbateñ raqīb ho ke rah ga.iiñ

parind haiñ na āñganoñ meñ peḌ haiñ

ye bastiyāñ ajiib ho ke rah ga.iiñ

taras rahī haiñ yuuñ bahār ko ruteñ

ġharīb kā nasīb ho ke rah ga.iiñ

bas ek pal dhanak kī saarī shoḳhiyāñ

mire bahut qarīb ho ke rah ga.iiñ

mire dukhoñ kā zikr shahr shahr hai

udāsiyāñ naqīb ho ke rah ga.iiñ

maiñ ḳhud se jab bichhaḌ ga.ī to bas tirī

duā.eñ hī habīb ho ke rah ga.iiñ

rivāyatoñ kī qatl-gāh-e-ishq meñ

ye laḌkiyāñ salīb ho ke rah ga.iiñ

adawaten nasib ho ke rah gain

mohabbaten raqib ho ke rah gain

parind hain na aanganon mein peD hain

ye bastiyan ajib ho ke rah gain

taras rahi hain yun bahaar ko ruten

gharib ka nasib ho ke rah gain

bas ek pal dhanak ki sari shoKHiyan

mere bahut qarib ho ke rah gain

mere dukhon ka zikr shahr shahr hai

udasiyan naqib ho ke rah gain

main KHud se jab bichhaD gai to bas teri

duaen hi habib ho ke rah gain

riwayaton ki qatl-gah-e-ishq mein

ye laDkiyan salib ho ke rah gain