adawaton se mohabbat ka gham nikalte hain

adāvatoñ se mohabbat kā ġham nikālte haiñ

ham apne dil ko bhī marzī se kab uchhālte haiñ

ye puurī duniyā hī behosh ho ga.ī hai bhalā

hameñ ḳhabar hī nahīñ kis ko kab sambhālte haiñ

jahāñ jahāñ bhī zarūrat paḌī mohabbat kī

ham apne ḳhuun ko paikar meñ bhar hī Dhālte haiñ

ḳhud aise dost rakkhe haiñ ki jo vafā na kareñ

ham apne shauq se zahrīle saañp pālte haiñ

ye mai-kade kī rivāyat ajab lagī 'bushrā'

jo girne lagtā hai us ko nahīñ sambhālte haiñ

adawaton se mohabbat ka gham nikalte hain

hum apne dil ko bhi marzi se kab uchhaalte hain

ye puri duniya hi behosh ho gai hai bhala

hamein KHabar hi nahin kis ko kab sambhaalte hain

jahan jahan bhi zarurat paDi mohabbat ki

hum apne KHun ko paikar mein bhar hi Dhaalte hain

KHud aise dost rakkhe hain ki jo wafa na karen

hum apne shauq se zahrile sanp palte hain

ye mai-kade ki riwayat ajab lagi 'bushra'

jo girne lagta hai us ko nahin sambhaalte hain