adab ka sanp jo tanhaiyon se lipTa hai

adab kā saañp jo tanhā.iyoñ se lipTā hai

mire ġhurūr kī parchhā.iyoñ se lipTā hai

mirī nazar meñ vo ra.anā.iyoñ se lipTā hai

jo aaj dard kī purvā.iyoñ se lipTā hai

vahī to detā hai is ġham kī bel ko paanī

jo dard dard kī gahrā.iyoñ se lipTā hai

na jaane kab mire gītoñ kī dhun huī ruḳhsat

bas ek ḳhvāb sā shahnā.iyoñ se lipTā hai

dayār-e-jāñ tū ise raaz kī tarah rakhnā

mirā vajūd jo ūñchā.iyoñ se lipTā hai

haveliyoñ kī sadāoñ pe kaan kyā dhartā

mirā yaqīn mire bhā.iyoñ se lipTā hai

adab ka sanp jo tanhaiyon se lipTa hai

mere ghurur ki parchhaiyon se lipTa hai

meri nazar mein wo ranaiyon se lipTa hai

jo aaj dard ki purwaiyon se lipTa hai

wahi to deta hai is gham ki bel ko pani

jo dard dard ki gahraiyon se lipTa hai

na jaane kab mere giton ki dhun hui ruKHsat

bas ek KHwab sa shahnaiyon se lipTa hai

dayar-e-jaan tu ise raaz ki tarah rakhna

mera wajud jo unchaiyon se lipTa hai

haweliyon ki sadaon pe kan kya dharta

mera yaqin mere bhaiyon se lipTa hai