adhuri na-shunida dastan hun

adhūrī nā-shunīda dāstāñ huuñ

ki shāyad maiñ samā.at par garāñ huuñ

ḳhayāloñ meñ bhī kuchh vāzeh nahīñ hai

yaqīñ kī god meñ paltā gumāñ huuñ

lab-e-iz.hār chup hai merī ḳhātir

abhī haañ aur nahīñ ke darmiyāñ huuñ

bulandī par havā le jā rahī hai

charāġh-e-jism se uThtā dhuāñ huuñ

kashish bāzār kī roke hue hai

abhī maiñ apne ghar pahuñchā kahāñ huuñ

mujhe pāoge dil ke paas har dam

jahāñ mahsūs kar loge vahāñ huuñ

mire andar hai poshīda qayāmat

kamāl-e-zabt kā ik imtihāñ huuñ

hue 'ejāz' būḌhe tum magar maiñ

ḳhudā ke fazl se ab tak javāñ huuñ

adhuri na-shunida dastan hun

ki shayad main samaat par garan hun

KHayalon mein bhi kuchh wazeh nahin hai

yaqin ki god mein palta guman hun

lab-e-izhaar chup hai meri KHatir

abhi han aur nahin ke darmiyan hun

bulandi par hawa le ja rahi hai

charagh-e-jism se uThta dhuan hun

kashish bazar ki roke hue hai

abhi main apne ghar pahuncha kahan hun

mujhe paoge dil ke pas har dam

jahan mahsus kar loge wahan hun

mere andar hai poshida qayamat

kamal-e-zabt ka ek imtihan hun

hue 'ejaz' buDhe tum magar main

KHuda ke fazl se ab tak jawan hun