afsana-e-gham yun bhi dil-e-zar kaha hai

afsāna-e-ġham yuuñ bhī dil-e-zār kahā hai

ik baar jo pūchhā hai to sau baar kahā hai

jo baat tirī bazm meñ ham kah na sake the

us baat ko logoñ ne sar-e-dār kahā hai

mamnūn haiñ us shoḳh ke ai bād-e-sabā ham

phūloñ kī zabānī jo hameñ pyaar kahā hai

mumkin hai usī raah se manzil pe pahuñch jaa.eñ

dil vāloñ ne jis raah ko dushvār kahā hai

vo faḳhr-e-masīhā hai magar ahl-e-ḳhirad ne

hairat hai use nargis-e-bīmār kahā hai

arzāñ huī yuuñ jins-e-mohabbat ki jahāñ meñ

ham se tahī-dāmāñ ko ḳharīdār kahā hai

afsana-e-gham yun bhi dil-e-zar kaha hai

ek bar jo puchha hai to sau bar kaha hai

jo baat teri bazm mein hum kah na sake the

us baat ko logon ne sar-e-dar kaha hai

mamnun hain us shoKH ke ai baad-e-saba hum

phulon ki zabani jo hamein pyar kaha hai

mumkin hai usi rah se manzil pe pahunch jaen

dil walon ne jis rah ko dushwar kaha hai

wo faKHr-e-masiha hai magar ahl-e-KHirad ne

hairat hai use nargis-e-bimar kaha hai

arzan hui yun jins-e-mohabbat ki jahan mein

hum se tahi-daman ko KHaridar kaha hai