afsos ahl-e-ishq na ahl-e-nazar mile

afsos ahl-e-ishq na ahl-e-nazar mile

jo ham-safar mile vo balā-e-safar mile

dīvāngān-e-ishq mile jis qadar hameñ

jaama darīda ḳhāk-basar chashm-e-tar mile

kis se gila maiñ kātib-e-taqdīr kā karūñ

naale mile to vo bhī mujhe be-asar mile

aaya nahīñ jo koī tirī bazm-e-nāz meñ

naqsh-e-qadam ye kis ke sar-e-rah-guzar mile

us se na pūchh hāl-e-bahār-e-chaman jise

nai rang-o-bū-e-gul mile nai bāl-o-par mile

niyyat-ba-ḳhair manzil-e-maqsad qarīb thī

nā-āshnā-e-rāh-e-vafā rāhbar mile

'jauhar' ye rang badlā sar-e-manzil-e-hayāt

vo rāhzan the raah meñ jo rāhbar mile

afsos ahl-e-ishq na ahl-e-nazar mile

jo ham-safar mile wo bala-e-safar mile

diwangan-e-ishq mile jis qadar hamein

jama darida KHak-basar chashm-e-tar mile

kis se gila main katib-e-taqdir ka karun

nale mile to wo bhi mujhe be-asar mile

aaya nahin jo koi teri bazm-e-naz mein

naqsh-e-qadam ye kis ke sar-e-rah-guzar mile

us se na puchh haal-e-bahaar-e-chaman jise

nai rang-o-bu-e-gul mile nai baal-o-par mile

niyyat-ba-KHair manzil-e-maqsad qarib thi

na-ashna-e-rah-e-wafa rahbar mile

'jauhar' ye rang badla sar-e-manzil-e-hayat

wo rahzan the rah mein jo rahbar mile