afsos hai ki itni safai ke baad bhi

afsos hai ki itnī safā.ī ke baa'd bhī

kuchh daaġh rah ga.e haiñ dhulā.ī ke baa'd bhī

duniyā tirī likhā.ī samajh meñ na aa sakī

an-paḌh rahe ham itnī paḌhā.ī ke baa'd bhī

Daalī thī tum ne paañv meñ zanjīr jis jagah

baiThe haiñ ham vahīñ pe rihā.ī ke baa'd bhī

ye hausla bhī 'ishq ne ham ko 'atā kiyā

zinda haiñ dekh terī judā.ī ke baa'd bhī

sahrā tirā mizāj samajhnā thā is liye

ham chal rahe haiñ ābla-pā.ī ke baa'd bhī

dil ko jakaḌ ke baiThā hai ye kaun sā malāl

ham ḳhush nahīñ haiñ terī badhā.ī ke baa'd bhī

afsos hai ki itni safai ke ba'd bhi

kuchh dagh rah gae hain dhulai ke ba'd bhi

duniya teri likhai samajh mein na aa saki

an-paDh rahe hum itni paDhai ke ba'd bhi

Dali thi tum ne panw mein zanjir jis jagah

baiThe hain hum wahin pe rihai ke ba'd bhi

ye hausla bhi 'ishq ne hum ko 'ata kiya

zinda hain dekh teri judai ke ba'd bhi

sahra tera mizaj samajhna tha is liye

hum chal rahe hain aabla-pai ke ba'd bhi

dil ko jakaD ke baiTha hai ye kaun sa malal

hum KHush nahin hain teri badhai ke ba'd bhi