agar apni chashm-e-nam par mujhe iKHtiyar hota
agar apnī chashm-e-nam par mujhe iḳhtiyār hotā
to bhalā ye rāz-e-ulfat kabhī āshkār hotā
hai tunuk-mizāj sayyād kuchh apnā bas nahīñ hai
maiñ qafas ko le ke uḌtā agar iḳhtiyār hotā
ye zarā sī ik jhalak ne dil o jaañ ko yuuñ jalāyā
tirī barq-e-husn se phir koī kyā do-chār hotā
ajī tauba is garebāñ kī bhalā bisāt kyā thī
ye kaho ki haath uljhā nahīñ tār-tār hotā
vo na aate fātiha ko zarā muḌ ke dekh lete
to hujūm-e-'yās' itnā na sar-e-mazār hotā
agar apni chashm-e-nam par mujhe iKHtiyar hota
to bhala ye raaz-e-ulfat kabhi aashkar hota
hai tunuk-mizaj sayyaad kuchh apna bas nahin hai
main qafas ko le ke uDta agar iKHtiyar hota
ye zara si ek jhalak ne dil o jaan ko yun jalaya
teri barq-e-husn se phir koi kya do-chaar hota
aji tauba is gareban ki bhala bisat kya thi
ye kaho ki hath uljha nahin tar-tar hota
wo na aate fatiha ko zara muD ke dekh lete
to hujum-e-'yas' itna na sar-e-mazar hota
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
