agar chahun jhaTak kar toD dun zanjir-e-tanhai
agar chāhūñ jhaTak kar toḌ duuñ zanjīr-e-tanhā.ī
maiñ tinkā huuñ magar maujoñ se hai merī shanāsā.ī
sharīk-e-rāh thī jab tak hamārī ābla-pā.ī
na māthe par shikan ubhrī na paañv meñ thakan aa.ī
havā se sub.h-e-nā-āsūdgī achchhā kiyā tū ne
kitāb-e-zindagī ke kuchh varaq tū bhī uḌā laa.ī
hazāroñ marhale the fasl-e-gul se chāk-e-dāmāñ tak
ḳhizāñ guzrī to kab guzrī bahār aa.ī to kab aa.ī
'nasīm' ik din vo aa.egā ki mazlūmoñ ke qadmoñ meñ
panāheñ DhūñDhtī hogī sitam-rānoñ kī dārā.ī
agar chahun jhaTak kar toD dun zanjir-e-tanhai
main tinka hun magar maujon se hai meri shanasai
sharik-e-rah thi jab tak hamari aabla-pai
na mathe par shikan ubhri na panw mein thakan aai
hawa se subh-e-na-asudgi achchha kiya tu ne
kitab-e-zindagi ke kuchh waraq tu bhi uDa lai
hazaron marhale the fasl-e-gul se chaak-e-daman tak
KHizan guzri to kab guzri bahaar aai to kab aai
'nasim' ek din wo aaega ki mazlumon ke qadmon mein
panahen DhunDhti hogi sitam-ranon ki darai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
