agar dariya koi rishta rawani se nahin rakhta

agar dariyā koī rishta ravānī se nahīñ rakhtā

to itnī aabrū vo sirf paanī se nahīñ rakhtā

agar kirdār hotā vo zarā bhī mere matlab kā

to maiñ us ko judā apnī kahānī se nahīñ rakhtā

maiñ aksar dostoñ ko apnā dushman hī samajhtā huuñ

bharosa hī kisī par bad-gumānī se nahīñ rakhtā

ḳhudā kā shukr karnā chāhiye vo apne bandoñ ko

kabhī mahrūm apnī mehrbānī se nahīñ rakhtā

maiñ apnī tishnagī meñ bhī bahut sairāb rahtā huuñ

lab-e-dariyā bhī rah kar rabt paanī se nahīñ rakhtā

buḌhāpā aa gayā to rabt rakhtā huuñ buḌhāpe se

javānī jā chukī rishta javānī se nahīñ rakhtā

agar dariya koi rishta rawani se nahin rakhta

to itni aabru wo sirf pani se nahin rakhta

agar kirdar hota wo zara bhi mere matlab ka

to main us ko juda apni kahani se nahin rakhta

main aksar doston ko apna dushman hi samajhta hun

bharosa hi kisi par bad-gumani se nahin rakhta

KHuda ka shukr karna chahiye wo apne bandon ko

kabhi mahrum apni mehrbani se nahin rakhta

main apni tishnagi mein bhi bahut sairab rahta hun

lab-e-dariya bhi rah kar rabt pani se nahin rakhta

buDhapa aa gaya to rabt rakhta hun buDhape se

jawani ja chuki rishta jawani se nahin rakhta