agar hai ret ki diwar dhyan TuTega

agar hai ret kī dīvār dhyān TūTegā

ye hausla na pas-e-imtihān TūTegā

jahāñ jahāñ bhī mirā naam hai fasāne meñ

vahāñ vahāñ tirā zor-e-bayān TūTegā

tasavvurāt ke ghar meñ ḳhamosh baiThā huuñ

tum aaoge to ḳhayālī makān TūTegā

kasīf dhuup se jal jā.egā hasīn badan

mirī umiid kā jab sā.ebān TūTegā

ajiib karb meñ Duubī huī sadā hogī

ġhurūr jab tirā ban kar chaTān TūTegā

na raas aa.egī jab ham ko mauj-e-sail-e-ravāñ

hamārī kashtī pe jab bādbān TūTegā

mujhe yaqīñ tire jalve fareb de deñge

mirī nigāh kā jab bhī gumān TūTegā

ye zulm-o-jaur ke aivān phir kahāñ hoñge

ye be-sutūn agar āsmān TūTegā

savād-e-manzil-e-idrāk pā.egā 'rāhī'

nishān ban ke agar be-nishān TūTegā

agar hai ret ki diwar dhyan TuTega

ye hausla na pas-e-imtihan TuTega

jahan jahan bhi mera nam hai fasane mein

wahan wahan tera zor-e-bayan TuTega

tasawwuraat ke ghar mein KHamosh baiTha hun

tum aaoge to KHayali makan TuTega

kasif dhup se jal jaega hasin badan

meri umid ka jab saeban TuTega

ajib karb mein Dubi hui sada hogi

ghurur jab tera ban kar chaTan TuTega

na ras aaegi jab hum ko mauj-e-sail-e-rawan

hamari kashti pe jab baadban TuTega

mujhe yaqin tere jalwe fareb de denge

meri nigah ka jab bhi guman TuTega

ye zulm-o-jaur ke aiwan phir kahan honge

ye be-sutun agar aasman TuTega

sawad-e-manzil-e-idrak paega 'rahi'

nishan ban ke agar be-nishan TuTega