اگر ہو غم کی گہرائی سے ملنا
اگر ہو غم کی گہرائی سے ملنا
تو آ کے میری تنہائی سے ملنا
اسے ملنا تو یوں ملنا کہ جیسے
کسی پستی کا اونچائی سے ملنا
وہ مجھ سے بارہا ایسے ملا ہے
مہک کا جیسے پروائی سے ملنا
بہت ہی زعم ہے قوس قزح گر
تو جا کے اس کی انگڑائی سے ملنا
وہ کمسن ہے مگر سب جانتا ہے
اگر ملنا تو دانائی سے ملنا
تمھارے غم میں گھلتا جا رہا ہے
کبھی توقیر چغتائیؔ سے ملنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
