agar jafa hai gunah wo gunahgar bana

agar jafā hai gunah vo gunāhgār banā

maiñ bas vafā ke amal meñ sharīk-e-kār banā

yahī hamārī aqīdat kī intihā hai miyāñ

jahāñ charāġh jalāyā vahāñ mazār banā

vo bad-nasīb hai is vaqt mujh ko chhoḌ ga.ī

jab us ke gird mohabbat kā ik hisār banā

vo jis ne mere liye mushkileñ khaḌī kī thiiñ

vahī hujūm-e-havādis kā ḳhud shikār banā

mujhe vo sauñp gayā hijr-e-bād-e-sar-sar kyoñ

usī ke dam se ye mausam thā ḳhush-gavār banā

sabhī kī tarah karo tum bhī is pe mashq-e-sitam

ye dil to TuuT ke pahle bhī baar baar banā

suno baġhaur kisī roz 'āftāb'-e-suḳhan

vo shā.erī ke taqaddus kā e.atibār banā

agar jafa hai gunah wo gunahgar bana

main bas wafa ke amal mein sharik-e-kar bana

yahi hamari aqidat ki intiha hai miyan

jahan charagh jalaya wahan mazar bana

wo bad-nasib hai is waqt mujh ko chhoD gai

jab us ke gird mohabbat ka ek hisar bana

wo jis ne mere liye mushkilen khaDi ki thin

wahi hujum-e-hawadis ka KHud shikar bana

mujhe wo saunp gaya hijr-e-baad-e-sar-sar kyon

usi ke dam se ye mausam tha KHush-gawar bana

sabhi ki tarah karo tum bhi is pe mashq-e-sitam

ye dil to TuT ke pahle bhi bar bar bana

suno baghaur kisi roz 'aftab'-e-suKHan

wo shaeri ke taqaddus ka eatibar bana