agar kisi ne badan ka sukun paya hai

agar kisī ne badan kā sukūn paayā hai

vo shaḳhs ruuh kī tārīkiyoñ meñ uljhā hai

ḳhayāl hai koī merī talāsh meñ hī na ho

tilsim-e-shab kisī āvāz-e-pā se TuuTā hai

ye kis kī chaap dar-e-dil pe roz suntā huuñ

ye kis kā dhyān mujhe rāt-bhar satātā hai

kuchh is tarah se muqayyad huuñ apnī hastī meñ

ki jaise maiñ huuñ faqat maiñ huuñ aur duniyā hai

tumhāre ġham meñ koī aañkh nam nahīñ hogī

havā ke karb kā ehsās kis ko hotā hai

ye kaun zehn meñ chupke se roz aa ke 'niyāz'

sukūn-e-qalb-o-nazar pā.emāl kartā hai

agar kisi ne badan ka sukun paya hai

wo shaKHs ruh ki tarikiyon mein uljha hai

KHayal hai koi meri talash mein hi na ho

tilsim-e-shab kisi aawaz-e-pa se TuTa hai

ye kis ki chap dar-e-dil pe roz sunta hun

ye kis ka dhyan mujhe raat-bhar satata hai

kuchh is tarah se muqayyad hun apni hasti mein

ki jaise main hun faqat main hun aur duniya hai

tumhaare gham mein koi aankh nam nahin hogi

hawa ke karb ka ehsas kis ko hota hai

ye kaun zehn mein chupke se roz aa ke 'niyaz'

sukun-e-qalb-o-nazar paemal karta hai