agar koi KHalish-e-jawedan salamat hai
agar koī ḳhalish-e-jāvedāñ salāmat hai
to phir jahāñ meñ ye tarz-e-fuġhāñ salāmat hai
abhī to bichhḌe hue log yaad ā.eñge
abhī to dard-e-dil-e-rā.egāñ salāmat hai
agarche is ke na hone se kuchh nahīñ hotā
hamāre sar pe magar āsmāñ salāmat hai
sabhī ko shauq-e-shahādat to ho gayā hai magar
kisī ke dosh pe sar hī kahāñ salāmat hai
hamāre siine ke ye zaḳhm bhar ga.e haiñ to kyā
udū ke tiir udū kī kamāñ salāmat hai
jahāñ meñ ranj-e-safar ham bhī khīñchte haiñ magar
jo gum huā hai vahī kārvāñ salāmat hai
agar koi KHalish-e-jawedan salamat hai
to phir jahan mein ye tarz-e-fughan salamat hai
abhi to bichhDe hue log yaad aaenge
abhi to dard-e-dil-e-raegan salamat hai
agarche is ke na hone se kuchh nahin hota
hamare sar pe magar aasman salamat hai
sabhi ko shauq-e-shahadat to ho gaya hai magar
kisi ke dosh pe sar hi kahan salamat hai
hamare sine ke ye zaKHm bhar gae hain to kya
udu ke tir udu ki kaman salamat hai
jahan mein ranj-e-safar hum bhi khinchte hain magar
jo gum hua hai wahi karwan salamat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
