agar main moajize ko KHaksari ke ayan karta

agar maiñ mo.ajize ko ḳhāksārī ke ayaañ kartā

bagūle sā banā aur hī zamīñ o āsmāñ kartā

mujhe haq gulshan-e-ījād kā gar bāġhbāñ kartā

to ashk-e-bulbuloñ ko ābyār-e-gulsitāñ kartā

gila dil-e-saḳhtī-e-ahbāb kā gar maiñ bayāñ kartā

sadaf sā pal meñ aañsū uqda-e-dil ke ravāñ kartā

jo dīvān-e-qazā kī peshkārī haq mujhe detā

to reshe sarv ke mizhgān-e-chashm-e-qumriyāñ kartā

ḳhudā gar ḳhāna sāmān-e-qazā kartā ye 'uzlat' ko

to parvānoñ kī raakh ai sham' sub.h-e-āsmāñ kartā

agar main moajize ko KHaksari ke ayan karta

bagule sa bana aur hi zamin o aasman karta

mujhe haq gulshan-e-ijad ka gar baghban karta

to ashk-e-bulbulon ko aabyar-e-gulsitan karta

gila dil-e-saKHti-e-ahbab ka gar main bayan karta

sadaf sa pal mein aansu uqda-e-dil ke rawan karta

jo diwan-e-qaza ki peshkari haq mujhe deta

to reshe sarw ke mizhgan-e-chashm-e-qumriyan karta

KHuda gar KHana saman-e-qaza karta ye 'uzlat' ko

to parwanon ki rakh ai sham' subh-e-asman karta