agar rah mein uski rakha hai gam

agar raah meñ us kī rakhā hai gaam

ga.e guzre ḳhizar alaihis-salām

dahan yaar kā dekh chup lag ga.ī

suḳhan yaañ huā ḳhatm hāsil-kalām

mujhe dekh muñh par pareshāñ kī zulf

ġharaz ye ki jā tū huī ab to shaam

sar-e-shām se rahtī haiñ kāhisheñ

hameñ shauq us maah kā hai tamām

qayāmat hī yaañ chashm-o-dil se rahī

chale bas to vaañ jā ke kariye qayām

na dekhe jahāñ koī āñkhoñ kī aur

na leve koī jis jagah dil kā naam

jahāñ 'mīr' zer-o-zabar ho gayā

ḳhirāmāñ huā thā vo mahshar-ḳhirām

agar rah mein us ki rakha hai gam

gae guzre KHizar alaihis-salam

dahan yar ka dekh chup lag gai

suKHan yan hua KHatm hasil-kalam

mujhe dekh munh par pareshan ki zulf

gharaz ye ki ja tu hui ab to sham

sar-e-sham se rahti hain kahishen

hamein shauq us mah ka hai tamam

qayamat hi yan chashm-o-dil se rahi

chale bas to wan ja ke kariye qayam

na dekhe jahan koi aankhon ki aur

na lewe koi jis jagah dil ka nam

jahan 'mir' zer-o-zabar ho gaya

KHiraman hua tha wo mahshar-KHiram