agar tumhaare nam ki nahin rahi

agar tumhāre naam kī nahīñ rahī

to phir ye 'umr kaam kī nahīñ rahī

jo chhāj thā anaaj kā ulaT gayā

ġhizā bhī ghar meñ shaam kī nahīñ rahī

hameñ vo martabe 'atā kiye ga.e

hameñ kisī maqām kī nahīñ rahī

badal diye haiñ naam aur maqām sab

ye dāstāñ to kaam kī nahīñ rahī

kanīz aa ga.ī pasand shaam ko

kanīz ab ġhulām kī nahīñ rahī

fanā ko ab fanā meñ hī qarār hai

fanā ko ab davām kī nahīñ rahī

mire samet ghar se pheñk dī ga.ī

har ek shai jo kaam kī nahīñ rahī

bharā hai peT is badan ko bech kar

kamā.ī ab harām kī nahīñ rahī

agar tumhaare nam ki nahin rahi

to phir ye 'umr kaam ki nahin rahi

jo chhaj tha anaj ka ulaT gaya

ghiza bhi ghar mein sham ki nahin rahi

hamein wo martabe 'ata kiye gae

hamein kisi maqam ki nahin rahi

badal diye hain nam aur maqam sab

ye dastan to kaam ki nahin rahi

kaniz aa gai pasand sham ko

kaniz ab ghulam ki nahin rahi

fana ko ab fana mein hi qarar hai

fana ko ab dawam ki nahin rahi

mere samet ghar se phenk di gai

har ek shai jo kaam ki nahin rahi

bhara hai peT is badan ko bech kar

kamai ab haram ki nahin rahi