agar zahid tu mahfil mein hamari ek bar aae

agar zāhid tū mahfil meñ hamārī ek baar aa.e

usī jānib ko phir uTheñ qadam be-iḳhtiyār aa.e

jo aa.e mai-kade se be-ḳhud-o-msatānā-vār aa.e

kahīñ aisā na ho bā-hosh koī bāda-ḳhvār aa.e

dil-o-īmāñ-o-dīñ hosh-o-ḳhirad kuchh bhī nahīñ baaqī

kisī kī ham nigāh-e-nāz kā sadqa utaar aa.e

pilā.ī aaj maiḳhāne meñ nazroñ se sharāb aisī

duā dete hue saaqī ko saare bāda-ḳhvār aa.e

sitam sah sah ke kaaTī umr saarī uf na kī ham ne

vafāoñ kā mirī ai kaash un ko e'tibār aa.e

agar zahid tu mahfil mein hamari ek bar aae

usi jaanib ko phir uThen qadam be-iKHtiyar aae

jo aae mai-kade se be-KHud-o-msatana-war aae

kahin aisa na ho ba-hosh koi baada-KHwar aae

dil-o-iman-o-din hosh-o-KHirad kuchh bhi nahin baqi

kisi ki hum nigah-e-naz ka sadqa utar aae

pilai aaj maiKHane mein nazron se sharab aisi

dua dete hue saqi ko sare baada-KHwar aae

sitam sah sah ke kaTi umr sari uf na ki hum ne

wafaon ka meri ai kash un ko e'tibar aae