agarche dil tha ghamon se figar aur raha

agarche dil thā ġhamoñ se figār aur rahā

magar gila thā zi-bas nāgavār aur rahā

kisī ko raah mire ghar kī yaad hī na rahī

maiñ intizār meñ thā be-qarār aur rahā

zamāna khā.egā qasmeñ hamārī azmat kī

ye daur-e-ġham jo zarā sāzgār aur rahā

huā hai kab safar-e-zindagī tamām ki jab

na rāste meñ koī ḳhār-zār aur rahā

sahāb-e-lutf na kisht-e-umīd par barsā

chaman karam kā thā ummīd-vār aur rahā

ye lījiye dil-e-sad-pāra aur hāzir hai

ye ek kushta-e-lail-o-nahār aur rahā

yahī azal se hai dastūr-e-dostī 'fitrat'

vafā kā tishna thā har dost-dār aur rahā

agarche dil tha ghamon se figar aur raha

magar gila tha zi-bas nagawar aur raha

kisi ko rah mere ghar ki yaad hi na rahi

main intizar mein tha be-qarar aur raha

zamana khaega qasmen hamari azmat ki

ye daur-e-gham jo zara sazgar aur raha

hua hai kab safar-e-zindagi tamam ki jab

na raste mein koi KHar-zar aur raha

sahab-e-lutf na kisht-e-umid par barsa

chaman karam ka tha ummid-war aur raha

ye lijiye dil-e-sad-para aur hazir hai

ye ek kushta-e-lail-o-nahaar aur raha

yahi azal se hai dastur-e-dosti 'fitrat'

wafa ka tishna tha har dost-dar aur raha