agarche maslahat-amez hi hai
agarche maslahat-āmez hī hai
kaḌe lahje se behtar ḳhāmushī hai
nazar kī pyaas to nazroñ se pūchho
haiñ zer-e-āb phir bhī tishnagī hai
vahī chhūte haiñ aksar āsmāñ ko
jabīñ jin kī zamīnoñ par jhukī hai
varaq āhistagī se kholiyegā
bahut ḳhasta kitāb-e-zindagī hai
marāsim pahle bhī achchhe nahīñ the
magar ab to diloñ meñ be-dilī hai
mirī bechārgī par hañs rahā hai
ye merā dost hai yā ajnabī hai
tirī sargoshiyoñ kā ye asar hai
anā maiñ rach ga.ī ik naġhmagī hai
agarche maslahat-amez hi hai
kaDe lahje se behtar KHamushi hai
nazar ki pyas to nazron se puchho
hain zer-e-ab phir bhi tishnagi hai
wahi chhute hain aksar aasman ko
jabin jin ki zaminon par jhuki hai
waraq aahistagi se kholiyega
bahut KHasta kitab-e-zindagi hai
marasim pahle bhi achchhe nahin the
magar ab to dilon mein be-dili hai
meri bechaargi par hans raha hai
ye mera dost hai ya ajnabi hai
teri sargoshiyon ka ye asar hai
ana main rach gai ek naghmagi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
