agarche mujhko be-tauq-o-rasan-basta nahin chhoDa

agarche mujh ko be-tauq-o-rasan-basta nahīñ chhoḌā

kisī qaidī ko us ne is qadar sastā nahīñ chhoḌā

har ik se dūsre kā rabt us ne toḌ Daalā hai

kisī kā dil kisī ke dil se vābasta nahīñ chhoḌā

ḳhud apne ḳhvāb chun aayā huuñ kuchh rañgīn dhokoñ meñ

kisī titlī kī ḳhātir maiñ ne guldasta nahīñ chhoḌā

suneñ rūdād-e-ġham kis se ki āshob-e-tabāhī ne

koī ik bhī gharānā shahr meñ bastā nahīñ chhoḌā

kaheñ kyā haal qabroñ kā ki ab ke us ne bastī meñ

janāze bhī guzarne kā koī rasta nahīñ chhoḌā

kahāñ par us ne mujh par tāliyāñ bajtī nahīñ chāheñ

kahāñ kis kis ko mere haal par hañstā nahīñ chhoḌā

agarche mujh ko be-tauq-o-rasan-basta nahin chhoDa

kisi qaidi ko us ne is qadar sasta nahin chhoDa

har ek se dusre ka rabt us ne toD Dala hai

kisi ka dil kisi ke dil se wabasta nahin chhoDa

KHud apne KHwab chun aaya hun kuchh rangin dhokon mein

kisi titli ki KHatir main ne guldasta nahin chhoDa

sunen rudad-e-gham kis se ki aashob-e-tabahi ne

koi ek bhi gharana shahr mein basta nahin chhoDa

kahen kya haal qabron ka ki ab ke us ne basti mein

janaze bhi guzarne ka koi rasta nahin chhoDa

kahan par us ne mujh par taliyan bajti nahin chahen

kahan kis kis ko mere haal par hansta nahin chhoDa