اگرچہ سب یہاں سستا پڑے گا
اگرچہ سب یہاں سستا پڑے گا
تمہیں بس عشق ہی مہنگا پڑے گا
مصور سے الجھنے کی سزا ہے
ہمیں تصویر میں رہنا پڑے گا
مری آنکھوں میں تم بچ کر اترنا
یہاں اشکوں کا اک دریا پڑے گا
سبھی کردار گر رکھنے ہیں زندہ
کہانی میں ہمیں مرنا پڑے گا
تمہیں بھی اچھے ہم لگنے لگے ہیں
سنو تم کو بھی پچھتانا پڑے گا
گھڑی سچ بولنے کی آ گئی ہے
ہمیں دانستہ ہکلانا پڑے گا
چرس سے بچنے کو تم کہہ رہے ہو
یقیناً عشق سے بچنا پڑے گا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
