agarche saKHt safar hai dhuan ghana hoga

agarche saḳht safar hai dhuāñ ghanā hogā

kahīñ koī to mirī raah dekhtā hogā

tamām hotā kahāñ hai kabhī nadī kā safar

vo jā mile to samundar bhī rāsta hogā

azaab aa.e sitam aa.e sāneha aa.e

maiñ muntazir huuñ ki kuchh ziist meñ nayā hogā

maiñ mar gayā to mirī buzdilī ḳhabar hogī

maiñ jī gayā to tirā shukriya adā hogā

sitāre Taañk rahā hai jo ḳhvāb meñ sab ke

vo surḳhiyoñ se ḳhabar kī hī lāpata hogā

vo jis ne ham ko bhulāve sī zindagī dī hai

zarūr us ne koī rāsta diyā hogā

agarche saKHt safar hai dhuan ghana hoga

kahin koi to meri rah dekhta hoga

tamam hota kahan hai kabhi nadi ka safar

wo ja mile to samundar bhi rasta hoga

azab aae sitam aae saneha aae

main muntazir hun ki kuchh zist mein naya hoga

main mar gaya to meri buzdili KHabar hogi

main ji gaya to tera shukriya ada hoga

sitare Tank raha hai jo KHwab mein sab ke

wo surKHiyon se KHabar ki hi lapata hoga

wo jis ne hum ko bhulawe si zindagi di hai

zarur us ne koi rasta diya hoga