اگرچہ اس نے نظر مری سمت سرسری کی

اگرچہ اس نے نظر مری سمت سرسری کی

تو جانتا ہی نہیں خوشی کیا ہے اس گھڑی کی

مجھے میسر نہ آج تو ہے نہ کوئی دیگر

نہیں کوئی انتہا مرے یار بے بسی کی

کوئی بھی لو کو نثار کرنا نہ چاہتا تھا

سبھی چراغوں سے کل اذیت میں بات بھی کی

اسے بھی اندھیر نگریوں کا جنوں چڑھا ہے

مجھے بھی محفل اداس کرتی ہے روشنی کی

ہزار شہروں سے ہو کے گزرے ہیں لیکن اب بھی

کمی تو محسوس ہوتی رہتی ہے اس گلی کی

میں اپنی دنیا میں مست و بے فکر سو رہا ہوں

خبر نہیں ہے مجھے کسی بھی خوشی غمی کی

اگر وہ آیا تو خود ہی ساحل امڈ پڑیں گے

رکی ہوئی ناؤ پار ہو جائے گی سبھی کی