ahbab mere sare ke sare badal gae

ahbāb mere saare ke saare badal ga.e

nigah-e-karam ke jab se ishāre badal ga.e

hasrat hai dekhne kī na jalvoñ meñ dilkashī

nazreñ badal ga.iiñ ki nazāre badal ga.e

kāñdhoñ pe zimmedāriyāñ jis din se aa ga.iiñ

tab se tamām shauq hamāre badal ga.e

dast-e-darāz ham ne kiyā māñgī bhiik tak

lekin vafā se dost hamāre badal ga.e

taqdīr ham pe hone hī vaalī thī mehrbāñ

phir yuuñ huā nasīb ke taare badal ga.e

jis roz tere aane kī laa.ī ḳhabar havā

us roz gul-kade meñ sharāre badal ga.e

badlā 'ḳhumār' vaqt hamārā to daf.atan

mohsin tamām badle sahāre badal ga.e

ahbab mere sare ke sare badal gae

nigah-e-karam ke jab se ishaare badal gae

hasrat hai dekhne ki na jalwon mein dilkashi

nazren badal gain ki nazare badal gae

kandhon pe zimmedariyan jis din se aa gain

tab se tamam shauq hamare badal gae

dast-e-daraaz hum ne kiya mangi bhik tak

lekin wafa se dost hamare badal gae

taqdir hum pe hone hi wali thi mehrban

phir yun hua nasib ke tare badal gae

jis roz tere aane ki lai KHabar hawa

us roz gul-kade mein sharare badal gae

badla 'KHumar' waqt hamara to dafatan

mohsin tamam badle sahaare badal gae