ahbab to hain dard se par aashna nahin

ahbāb to haiñ dard se par āshnā nahīñ

is shahr-e-be-vafā meñ koī aasrā nahīñ

muddat huī hai us se koī rābta hue

jo shaḳhs ek pal ke liye bhūltā nahīñ

vā'de pe e'tibār tire kis tarah karūñ

mujh ko yaqīñ nahīñ hai ki tū bevafā nahīñ

har samt log sahme hue tere shahr meñ

ye dekh kar zamīr tirā jāgtā nahīñ

mere vatan ke log to tarseñ sukūn ko

hai zulm is qadar ki koī intihā nahīñ

qissa visāl-o-hijr 'ajab yuuñ lagā tujhe

maiñ ne jo ahl-e-dil kabhī pahle kahā nahīñ

'shamsa' mohabbatoñ kā hai mausam nayā nayā

ye jurm mujh se pahle to sarzad huā nahīñ

ahbab to hain dard se par aashna nahin

is shahr-e-be-wafa mein koi aasra nahin

muddat hui hai us se koi rabta hue

jo shaKHs ek pal ke liye bhulta nahin

wa'de pe e'tibar tere kis tarah karun

mujh ko yaqin nahin hai ki tu bewafa nahin

har samt log sahme hue tere shahr mein

ye dekh kar zamir tera jagta nahin

mere watan ke log to tarsen sukun ko

hai zulm is qadar ki koi intiha nahin

qissa visal-o-hijr 'ajab yun laga tujhe

main ne jo ahl-e-dil kabhi pahle kaha nahin

'shamsa' mohabbaton ka hai mausam naya naya

ye jurm mujh se pahle to sarzad hua nahin