ahd-e-shabab mausam-e-KHandan hai aur hum

'ahd-e-shabāb mausam-e-ḳhandāñ hai aur ham

har-sū nigār jalva-faroshāñ hai aur ham

mahfūz dil meñ shorish-e-paikāñ hai aur ham

ḳhalvat-navāz ḳhātir-e-mehmāñ hai aur ham

sabr-āzmā tasavvur-e-jānāñ hai aur ham

āñkhoñ meñ aaj hashr kā sāmāñ hai aur ham

ik manzar-e-guzārish-e-pinhāñ hai aur ham

un ke huzūr dīda-e-hairāñ hai aur ham

daur-e-sharāb sohbat-e-rindāñ hai aur ham

sāġhar-ba-dast chashm-e-hasīnāñ hai aur ham

ehsās ne gunāh kī duniyā sameT lī

ab rahmat-e-tamām kā dāmāñ hai aur ham

sāġhar meñ aaj 'āriz-e-sāqī kā 'aks hai

kāfir banā.e jaane kā sāmāñ hai aur ham

hikmat se ho rahī haiñ tamanna-navāziyāñ

tashkīl-e-ḳhvāb hāsil-e-armāñ hai aur ham

takmīl ho rahī hai mohabbat kī is tarah

mehmānī-e-tasavvur-e-jānāñ hai aur ham

mushkil hai 'shād' rahnā girānī ke daur meñ

ab pairvī-e-gosha-nashīnāñ hai aur ham

'ahd-e-shabab mausam-e-KHandan hai aur hum

har-su nigar jalwa-faroshan hai aur hum

mahfuz dil mein shorish-e-paikan hai aur hum

KHalwat-nawaz KHatir-e-mehman hai aur hum

sabr-azma tasawwur-e-jaanan hai aur hum

aankhon mein aaj hashr ka saman hai aur hum

ek manzar-e-guzarish-e-pinhan hai aur hum

un ke huzur dida-e-hairan hai aur hum

daur-e-sharab sohbat-e-rindan hai aur hum

saghar-ba-dast chashm-e-hasinan hai aur hum

ehsas ne gunah ki duniya sameT li

ab rahmat-e-tamam ka daman hai aur hum

saghar mein aaj 'ariz-e-saqi ka 'aks hai

kafir banae jaane ka saman hai aur hum

hikmat se ho rahi hain tamanna-nawaziyan

tashkil-e-KHwab hasil-e-arman hai aur hum

takmil ho rahi hai mohabbat ki is tarah

mehmani-e-tasawwur-e-jaanan hai aur hum

mushkil hai 'shad' rahna girani ke daur mein

ab pairwi-e-gosha-nashinan hai aur hum