عہد و پیماں کر کے پیمانے کے ساتھ
عہد و پیماں کر کے پیمانے کے ساتھ
عمر گزری تیرے میخانے کے ساتھ
زندگی بھی جی چرا کر رہ گئی
کون مرتا تیرے دیوانے کے ساتھ
یہ نہ پوچھو رہ نوردان حرم
کون چھوٹا ہم سے بت خانے کے ساتھ
خود بخود حل ہو گئے کتنے سوال
وقت کے خاموش افسانے کے ساتھ
اے فقیہ شہر کیا اس کا علاج
چشم ساقی بھی ہے پیمانے کے ساتھ
ہوش مندوں پر گراں ہیں اے روشؔ
ان کی باتیں تجھ سے دیوانے کے ساتھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
