ahl-e-īmāñ se na kāfir se kaho
ai buto lekin ḳhudā-lagtī kaho
gar mileñ yārān-e-rafta pūchhiye
mar ga.e par kis tarah guzrī kaho
pā.imālo ishq meñ kyūñkar kaTī
kohkan se sar-guzashte apnī kaho
chashm-e-tar par dajla-o-jīhūñ meñ kyā
abr sī chhā jaa.e jo phabtī kaho
sham-o-parvāna jo pūchheñ soz-e-ishq
apnī biitī yā mirī biitī kaho
piiT pīchhe bad kaho ai aa.ino
rū-ba-rū us ke na muñh-dekhī kaho
muñh lapeTe gosha-e-marqad meñ 'shād'
kyuuñ paḌe chup ho hai kaisā jī kaho
ahl-e-iman se na kafir se kaho
ai buto lekin KHuda-lagti kaho
gar milen yaran-e-rafta puchhiye
mar gae par kis tarah guzri kaho
paimalo ishq mein kyunkar kaTi
kohkan se sar-guzashte apni kaho
chashm-e-tar par dajla-o-jihun mein kya
abr si chha jae jo phabti kaho
sham-o-parwana jo puchhen soz-e-ishq
apni biti ya meri biti kaho
piT pichhe bad kaho ai aaino
ru-ba-ru us ke na munh-dekhi kaho
munh lapeTe gosha-e-marqad mein 'shad'
kyun paDe chup ho hai kaisa ji kaho
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
