ahl-e-junun sa kaam kisi ne nahin kiya

ahl-e-junūñ sā kaam kisī ne nahīñ kiyā

sahrāoñ meñ qayām kisī ne nahīñ kiyā

ġhālib the dushmanoñ pe magar ahl-e-zarf the

iqdām-e-intiqām kisī ne nahīñ kiyā

mahfil meñ koī sāhib-e-husn-e-nazar na thā

parde ka ehtimām kisī ne nahīñ kiyā

sab log muqtadī haiñ dimāġhoñ ke āj-kal

is qalb ko imaam kisī ne nahīñ kiyā

duniyā kī lazzatoñ meñ giraftār ho ga.e

uqbā kā intizām kisī ne nahīñ kiyā

ahl-e-junun sa kaam kisi ne nahin kiya

sahraon mein qayam kisi ne nahin kiya

ghaalib the dushmanon pe magar ahl-e-zarf the

iqdam-e-intiqam kisi ne nahin kiya

mahfil mein koi sahib-e-husn-e-nazar na tha

parde ka ehtimam kisi ne nahin kiya

sab log muqtadi hain dimaghon ke aaj-kal

is qalb ko imam kisi ne nahin kiya

duniya ki lazzaton mein giraftar ho gae

uqba ka intizam kisi ne nahin kiya