ahwal chhupate hain kya jaaniye kya ji ka

ahvāl chhupāte haiñ kyā jāniye kyā jī kā

chehre se baḌī ainak māthe se baḌā Tapkā

ab umr ke ḳheme meñ paivand hī lagne haiñ

sahrā-e-arab ho yā bāzī-gah-e-america

sharminda-e-hastī haiñ pahchān hamārī kyā

kaasa hī to hotā hai chehra bhī savālī kā

merī hī kahānī hai merā hī havāla hai

yā taan ho 'mīrā' kī yā sher ho 'sādī' kā

maiñ apnī siyah-rozī par harf na aane duuñ

qissa jo kabhī nikle tābinda-layālī kā

bas meñ to nahīñ us ke tadbīr tadāruk kī

ehsās use ho bhī gar merī tabāhī kā

jangal meñ hoñ shāyad ham kuchh kam hī sarāsīma

shahroñ meñ to nāfiz hai qānūn safāri kā

ghar jis ne kiyā dil meñ 'shāhīn' ajab shai hai

miTTī sā hai rang us kā aur naam anāmikā

ahwal chhupate hain kya jaaniye kya ji ka

chehre se baDi ainak mathe se baDa Tapka

ab umr ke KHeme mein paiwand hi lagne hain

sahra-e-arab ho ya bazi-gah-e-america

sharminda-e-hasti hain pahchan hamari kya

kasa hi to hota hai chehra bhi sawali ka

meri hi kahani hai mera hi hawala hai

ya tan ho 'mira' ki ya sher ho 'sadi' ka

main apni siyah-rozi par harf na aane dun

qissa jo kabhi nikle tabinda-layali ka

bas mein to nahin us ke tadbir tadaruk ki

ehsas use ho bhi gar meri tabahi ka

jangal mein hon shayad hum kuchh kam hi sarasima

shahron mein to nafiz hai qanun safari ka

ghar jis ne kiya dil mein 'shahin' ajab shai hai

miTTi sa hai rang us ka aur nam anamika