ahwal-e-dil-e-zar sunaya nahin jata

ahvāl-e-dil-e-zār sunāyā nahīñ jaatā

jo raaz ayaañ ho vo batāyā nahīñ jaatā

apnā to dil-e-zār hai dānā.ī se ḳhālī

nādān se nādān manāyā nahīñ jaatā

tum hī ye batāo maiñ bhulā.ūñ tumheñ kaise

is dil se koī naqsh miTāyā nahīñ jaatā

sar phoḌnā mushkil nahīñ hotā hai junūñ meñ

dīvār se āshiq ko lagāyā nahīñ jaatā

ta.abīr mile yā na mile baat alag hai

āñkhoñ se magar ḳhvāb churāyā nahīñ jaatā

us shahr kī tauqīr haiñ 'jāzib' hī se āshiq

ushshāq ko nazroñ se girāyā nahīñ jaatā

ahwal-e-dil-e-zar sunaya nahin jata

jo raaz ayan ho wo bataya nahin jata

apna to dil-e-zar hai danai se KHali

nadan se nadan manaya nahin jata

tum hi ye batao main bhulaun tumhein kaise

is dil se koi naqsh miTaya nahin jata

sar phoDna mushkil nahin hota hai junun mein

diwar se aashiq ko lagaya nahin jata

tabir mile ya na mile baat alag hai

aankhon se magar KHwab churaya nahin jata

us shahr ki tauqir hain 'jazib' hi se aashiq

ushshaq ko nazron se giraya nahin jata