ai ajal aa firaq-e-yar mein aa

ai ajal aa firāq-e-yār meñ aa

kab se huuñ tere intizār meñ aa

kyā tirā kaam vasl meñ ai niiñd

hijr meñ kulah mire mazār meñ aa

kahtī hai pā-e-shauq se vahshat

sū-e-sahrā havā-e-ḳhār meñ aa

jiite jī sair-e-ḳhuld kar ai shaiḳh

aa mire saath kū-e-yār meñ aa

ai ġham-e-marg-e-ārzū na bhaTak

tū mire qalb-e-sogvār meñ aa

jis tarah aatī hai ḳhushī dil meñ

nahīñ ai maut hijr-e-yār meñ aa

un se qaul-o-qarār hotā hai

ab to ai dil zarā qarār meñ aa

kunj-e-uzlat se ai 'shahīr' nikal

bazm-e-rindān-e-bāda-ḳhvār meñ aa

ai ajal aa firaq-e-yar mein aa

kab se hun tere intizar mein aa

kya tera kaam wasl mein ai nind

hijr mein kulah mere mazar mein aa

kahti hai pa-e-shauq se wahshat

su-e-sahra hawa-e-KHar mein aa

jite ji sair-e-KHuld kar ai shaiKH

aa mere sath ku-e-yar mein aa

ai gham-e-marg-e-arzu na bhaTak

tu mere qalb-e-sogwar mein aa

jis tarah aati hai KHushi dil mein

nahin ai maut hijr-e-yar mein aa

un se qaul-o-qarar hota hai

ab to ai dil zara qarar mein aa

kunj-e-uzlat se ai 'shahir' nikal

bazm-e-rindan-e-baada-KHwar mein aa