ai ba-ruKH mushaf-e-gulzar-o-charagh-e-haram-e-ghunchagi-o-aya-e-gul-bari-o-quran-e-bahaar

ai ba-ruḳh mus.haf-e-gulzār-o-charāġh-e-haram-e-ġhunchagī-o-āya-e-gul-bārī-o-qur.ān-e-bahār

ai ba-qad mauj-e-ravāñ barq-e-tapāñ sarv-e-sahī shāḳh-e-gul-e-tāza-o-ilhām-e-ḳhirāmān-e-bahār

pa.e gul-gasht zarā us qad-e-balā-e-falak-tāb-o-chaman-sāz ko de izn-e-ḳhirām

ki tire hijr meñ be-kaif hai be-rūh hai be-tāb hai be-ḳhvāb hai lailā-e-ḳhayabān-e-bahār

bazm kī bazm hai pazhmurda-o-afsurda-o-dil-basta-o-ḳhāmosh-o-malūl-o-ġhamnāk

khol de kākul-e-zholīda-o-shab-rang-o-jahāñ-said-o-guhar-bez ki hai chashma-e-haivān-e-bahār

aa bhī jumbish meñ ki haiñ gosh-bar-āvāz adībān-o-harīfān-o-gul-o-lāla-o-sarv

ai lab-e-lāl-e-fusūñ-bār-o-dil-āvez shakar-rez ki hai tujh pe fidā larzish-e-dāmān-e-bahār

barbat-o-ūd-o-sharāb-o-daf-o-afsāna-o-afsūn-o-shab-e-māh-o-rabāb-o-sāġhar

aa ki mushtāq haiñ ai jān-e-chaman zohra-jabīñ hosh-rubā māh-laqā sham-e-shabistān-e-bahār

dahr hai ḳhufta-o-āshufta-o-āzurda-o-ġham-dīda-o-nāshād-o-zabūñ-hāl-o-tabāh

haañ uThā nargis-e-maḳhmūr-o-guhar-tāb-o-junūñ-ḳhez ki hai mahbas-e-mai-ḳhāna-o-zindān-e-bahār

aaj hai 'hāfiz-e-'shīrāzī'-o-'ḳhayyām'-o-'nazīrī'-o-'fuġhānī'-o-'zuhūrī' kā javāb

ye tirā 'josh' ki hai mast-o-ḳharābātī-o-sar-halqa-e-rindān-e-jahāñ qibla-e-ḳhāsān-e-bahār

ai ba-ruKH mushaf-e-gulzar-o-charagh-e-haram-e-ghunchagi-o-aya-e-gul-bari-o-quran-e-bahaar

ai ba-qad mauj-e-rawan barq-e-tapan sarw-e-sahi shaKH-e-gul-e-taza-o-ilham-e-KHiraman-e-bahaar

pae gul-gasht zara us qad-e-bala-e-falak-tab-o-chaman-saz ko de izn-e-KHiram

ki tere hijr mein be-kaif hai be-ruh hai be-tab hai be-KHwab hai laila-e-KHayaban-e-bahaar

bazm ki bazm hai pazhmurda-o-afsurda-o-dil-basta-o-KHamosh-o-malul-o-ghamnak

khol de kakul-e-zholida-o-shab-rang-o-jahan-said-o-guhar-bez ki hai chashma-e-haiwan-e-bahaar

aa bhi jumbish mein ki hain gosh-bar-awaz adiban-o-harifan-o-gul-o-lala-o-sarw

ai lab-e-lal-e-fusun-bar-o-dil-awez shakar-rez ki hai tujh pe fida larzish-e-daman-e-bahaar

barbat-o-ud-o-sharab-o-daf-o-afsana-o-afsun-o-shab-e-mah-o-rabab-o-saghar

aa ki mushtaq hain ai jaan-e-chaman zohra-jabin hosh-ruba mah-laqa sham-e-shabistan-e-bahaar

dahr hai KHufta-o-ashufta-o-azurda-o-gham-dida-o-nashad-o-zabun-haal-o-tabah

han uTha nargis-e-maKHmur-o-guhar-tab-o-junun-KHez ki hai mahbas-e-mai-KHana-o-zindan-e-bahaar

aaj hai 'hafiz-e-'shiraazi'-o-'KHayyam'-o-'naziri'-o-'fughani'-o-'zuhuri' ka jawab

ye tera 'josh' ki hai mast-o-KHarabaati-o-sar-halqa-e-rindan-e-jahan qibla-e-KHasan-e-bahaar