ai dil KHushi ka zikr bhi karne na de mujhe
Interesting Fact
Written on his wife brutal killing
ai dil ḳhushī kā zikr bhī karne na de mujhe
ġham kī bulandiyoñ se utarne na de mujhe
ghar hī ujaḌ gayā ho to lutf-e-qayām kyā
ai gardish-e-mudām Thaharne na de mujhe
maqsad ye hai sukūñ kisī sūrat na ho nasīb
ai chārasāz baat bhī karne na de mujhe
chehre pe khaal tak bhī na chhoḌeñge bad-nigāh
ai mere ḳhair-ḳhvāh sañvarne na de mujhe
hai dekhne kī chiiz jo bismil kā raqs bhī
duniyā ye chāhtī hai ki marne na de mujhe
ye daur sañg-dil hī nahīñ tañg-dil bhī hai
gar bas chale to aah bhī karne na de mujhe
ab bhī ye hausla hai ki kuchh kaam aa sukūñ
maiñ TuuT to gayā huuñ bikharne na de mujhe
ai dil KHushi ka zikr bhi karne na de mujhe
gham ki bulandiyon se utarne na de mujhe
ghar hi ujaD gaya ho to lutf-e-qayam kya
ai gardish-e-mudam Thaharne na de mujhe
maqsad ye hai sukun kisi surat na ho nasib
ai chaarasaz baat bhi karne na de mujhe
chehre pe khaal tak bhi na chhoDenge bad-nigah
ai mere KHair-KHwah sanwarne na de mujhe
hai dekhne ki chiz jo bismil ka raqs bhi
duniya ye chahti hai ki marne na de mujhe
ye daur sang-dil hi nahin tang-dil bhi hai
gar bas chale to aah bhi karne na de mujhe
ab bhi ye hausla hai ki kuchh kaam aa sukun
main TuT to gaya hun bikharne na de mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
