ai dil na kar tu fikr paDega bala ke hath

ai dil na kar tū fikr paḌegā balā ke haath

ā.īna ho ke jā ke lag ab dilrubā ke haath

paiġhām dard-e-dil kā mire ġhuncha-lab satī

pahuñchā sakegā kaun magar duuñ sabā ke haath

maiñ ab gila jahāñ meñ begānoñ siiñ kyā karūñ

jiinā huā muhāl mujhe āshnā ke haath

denā nahīñ hai shīsha-e-dil sang-dil ke ta.iiñ

diije agar ye dil to kisū mīrzā ke haath

āzād ho rahā huuñ do 'ālam ke qaid suuñ

miitā lagā hai jab satīñ muj be-navā ke haath

tābe' razā kā us kī azal siiñ kiyā mujhe

chaltā nahīñ hai zor kisūñ kā qazā ke haath

'hātim' umiid haq pe na rākhe to kyā kare

mauqūf hai milāp sajan kā ḳhudā ke haath

ai dil na kar tu fikr paDega bala ke hath

aaina ho ke ja ke lag ab dilruba ke hath

paigham dard-e-dil ka mere ghuncha-lab sati

pahuncha sakega kaun magar dun saba ke hath

main ab gila jahan mein beganon sin kya karun

jina hua muhaal mujhe aashna ke hath

dena nahin hai shisha-e-dil sang-dil ke tain

dije agar ye dil to kisu mirza ke hath

aazad ho raha hun do 'alam ke qaid sun

mita laga hai jab satin muj be-nawa ke hath

tabe' raza ka us ki azal sin kiya mujhe

chalta nahin hai zor kisun ka qaza ke hath

'hatim' umid haq pe na rakhe to kya kare

mauquf hai milap sajan ka KHuda ke hath