ai do-jahan ke malik aala hai nam tera

ai do-jahāñ ke mālik a.alā hai naam terā

par dil kī bastiyoñ meñ dekhā maqām terā

mauqūf kab hai jinn-o-ins-o-malā.ika par

taa.ir bhī naam lete haiñ sub.h-o-shām terā

taḳhsīs ne.amatoñ meñ abrār kī nahīñ kuchh

ashrār par bhī har-dam hai lutf-e-ām terā

had ho ga.ī ki tere mahbūb kī zabāñ se

ham ḳhākiyoñ ko pahuñchā yārab payām terā

tū pardār-e-shab hai to ḳhāliq-e-sahar hai

ḳhurshīd-e-charḳh kyā hai adnā ġhulām terā

sab kuchh miTā chukī huuñ is aarzū pe yārab

ho jaa.e lauh-e-dil par manqūsh naam terā

ai do-jahan ke malik aala hai nam tera

par dil ki bastiyon mein dekha maqam tera

mauquf kab hai jinn-o-ins-o-malaika par

tair bhi nam lete hain subh-o-sham tera

taKHsis neamaton mein abrar ki nahin kuchh

ashrar par bhi har-dam hai lutf-e-am tera

had ho gai ki tere mahbub ki zaban se

hum KHakiyon ko pahuncha yarab payam tera

tu pardar-e-shab hai to KHaliq-e-sahar hai

KHurshid-e-charKH kya hai adna ghulam tera

sab kuchh miTa chuki hun is aarzu pe yarab

ho jae lauh-e-dil par manqush nam tera