ai dost tu ne war ye bharpur kar diya

ai dost tū ne vaar ye bharpūr kar diyā

pahle qarīb kar ke mujhe duur kar diyā

rahtī huuñ terī yaad meñ mad.hosh raat din

tere surūr-o-kaif ne maḳhmūr kar diyā

kishmish sī nāznīn thī shāḳh-e-badan mirī

chāhat kī āb-o-tāb se añgūr kar diyā

ḳhushbū tire badan kī hai sāñsoñ meñ aaj tak

tū ne milan ke ba.ad to pur-nūr kar diyā

tanhā.ī zindagī kī kaThin ho ga.ī thī yaar

lams-o-surūr baḳhsh ke masrūr kar diyā

mujh ko sharāb-e-ishq pilā ne kī der thī

maiñ ne bhī kā.enāt ko maḳhmūr kar diyā

malba tumhārī yaad kā Dhoyā hai raat din

nāzuk sī ek laḌkī ko mazdūr kar diyā

detī haiñ mujh ko ta.ane mirī sab saheliyāñ

kahtī haiñ tujh ko ishq ne maġhrūr kar diyā

ai dost tu ne war ye bharpur kar diya

pahle qarib kar ke mujhe dur kar diya

rahti hun teri yaad mein madhosh raat din

tere surur-o-kaif ne maKHmur kar diya

kishmish si naznin thi shaKH-e-badan meri

chahat ki aab-o-tab se angur kar diya

KHushbu tere badan ki hai sanson mein aaj tak

tu ne milan ke baad to pur-nur kar diya

tanhai zindagi ki kaThin ho gai thi yar

lams-o-surur baKHsh ke masrur kar diya

mujh ko sharab-e-ishq pila ne ki der thi

main ne bhi kaenat ko maKHmur kar diya

malba tumhaari yaad ka Dhoya hai raat din

nazuk si ek laDki ko mazdur kar diya

deti hain mujh ko tane meri sab saheliyan

kahti hain tujh ko ishq ne maghrur kar diya