ai falak mujhko mukarna hai mukar jata hun

ai falak mujh ko mukarnā hai mukar jaatā huuñ

ab zamīñ ko mirī hājat hai utar jaatā huuñ

rokne vaale mujhe rok nahīñ paate haiñ

maiñ to dariyā huuñ bahar-hāl guzar jaatā huuñ

mujh se kahne lagā ilzām mujassam ho kar

maiñ to aksar kisī mā'sūm ke sar jaatā huuñ

dhuup ne zarb lagā.ī hai mujhe aisī ki maiñ

chhāñv se aañkh milāte hue mar jaatā huuñ

ai ġhazal hurmat-e-dastār pe harf aa.egā

maiñ agar sar-phire zardār ke ghar jaatā huuñ

maiñ to sonā huuñ nahīñ is meñ koī shak lekin

hijr meñ dhuul kī mānind bikhar jaatā huuñ

is-qadar nūr-e-mohabbat hai mirī āñkhoñ meñ

mujh ko bas tū nazar aatā hai jidhar jaatā huuñ

sirf hikmat ke sabab hotā hai aisā 'zāhid'

kaun kahtā hai ki maiñ Dar ke Thahar jaatā huuñ

ai falak mujh ko mukarna hai mukar jata hun

ab zamin ko meri hajat hai utar jata hun

rokne wale mujhe rok nahin pate hain

main to dariya hun bahar-haal guzar jata hun

mujh se kahne laga ilzam mujassam ho kar

main to aksar kisi ma'sum ke sar jata hun

dhup ne zarb lagai hai mujhe aisi ki main

chhanw se aankh milate hue mar jata hun

ai ghazal hurmat-e-dastar pe harf aaega

main agar sar-phire zardar ke ghar jata hun

main to sona hun nahin is mein koi shak lekin

hijr mein dhul ki manind bikhar jata hun

is-qadar nur-e-mohabbat hai meri aankhon mein

mujh ko bas tu nazar aata hai jidhar jata hun

sirf hikmat ke sabab hota hai aisa 'zahid'

kaun kahta hai ki main Dar ke Thahar jata hun