ai gham-e-dil ye majra kya hai
ai ġham-e-dil ye mājrā kyā hai
dard-e-ulfat se vāsta kyā hai
rahne do in hasīn va.adoñ ko
jhūTe va.ade haiñ sab nayā kyā hai
jām-o-mīnā ko chhoḌ kar dekho
chashm-e-sāqī kā ye nasha kyā hai
sho.ala-e-ġham ko aur bhaḌkā.e
kaun samjhe ki ye huā kyā hai
chhin gayā hai sukūn bhī merā
āshiqī ne mujhe diyā kyā hai
chāragar koī bhī na jaan sakā
maut aur ishq kī davā kyā hai
kyā bharosa hai zindagānī kā
jaane taqdīr meñ likhā kyā hai
chashm-e-pur-nam magar laboñ pe hañsī
dil meñ 'monā' tire chhupā kyā hai
ai gham-e-dil ye majra kya hai
dard-e-ulfat se wasta kya hai
rahne do in hasin wadon ko
jhuTe wade hain sab naya kya hai
jam-o-mina ko chhoD kar dekho
chashm-e-saqi ka ye nasha kya hai
shoala-e-gham ko aur bhaDkae
kaun samjhe ki ye hua kya hai
chhin gaya hai sukun bhi mera
aashiqi ne mujhe diya kya hai
chaaragar koi bhi na jaan saka
maut aur ishq ki dawa kya hai
kya bharosa hai zindagani ka
jaane taqdir mein likha kya hai
chashm-e-pur-nam magar labon pe hansi
dil mein 'mona' tere chhupa kya hai
- Book : Zauq-e-justuju (Pg. 27)
- Author : Elizabeth Kurian Mona
- Publication : Educational Publishing House (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
