ai gham-e-dost tera wo hi sahaara hoga

ai ġham-e-dost tirā vo hī sahārā hogā

be-ḳhabar rah ke tujhe jis ne bulāyā hogā

apne āñgan meñ abhī tak vo bhaTaktā hogā

naqsh-e-pā aap kā jis ne bhī miTāyā hogā

apne maazī ke kuchh aurāq ulaT kar dekho

koī to hogā jo ab tak vahīñ Thahrā hogā

ye samajh kar hī chhupā rakhā hai āñkhoñ meñ use

aap kā aks magar aap se pyārā hogā

ab bhī siine meñ liye aag meñ jaltī huuñ nadīm

ik na ik din mire ghar meñ bhī ujālā hogā

merī barbād tamannāoñ pe hañsne vaalā

apnī palkoñ ko bhī kuchh der bhigoyā hogā

'nāz' behtar to yahī hai ki ghar ab lauT chaleñ

kyā ḳhabar koī sar-e-shām hī aayā hogā

ai gham-e-dost tera wo hi sahaara hoga

be-KHabar rah ke tujhe jis ne bulaya hoga

apne aangan mein abhi tak wo bhaTakta hoga

naqsh-e-pa aap ka jis ne bhi miTaya hoga

apne mazi ke kuchh auraq ulaT kar dekho

koi to hoga jo ab tak wahin Thahra hoga

ye samajh kar hi chhupa rakha hai aankhon mein use

aap ka aks magar aap se pyara hoga

ab bhi sine mein liye aag mein jalti hun nadim

ek na ek din mere ghar mein bhi ujala hoga

meri barbaad tamannaon pe hansne wala

apni palkon ko bhi kuchh der bhigoya hoga

'naz' behtar to yahi hai ki ghar ab lauT chalen

kya KHabar koi sar-e-sham hi aaya hoga