ai junun dasht mein diwar kahan se laun

ai junūñ dasht meñ dīvār kahāñ se lā.ūñ

maiñ tamāshā sahī bāzār kahāñ se lā.ūñ

yād-e-ayyām ki kuchh sar meñ samā.ī thī havā

ab vo TuuTā huā pindār kahāñ se lā.ūñ

kis se pūchhūñ ki mirā hāl-e-pareshāñ kyā hai

tujh ko ai ā.ina-bardār kahāñ se lā.ūñ

merī un āñkhoñ ne jaise tujhe dekhā hī nahīñ

haa.e vo hasrat-e-dīdār kahāñ se lā.ūñ

in nigāhoñ meñ tarasne kī sī kaifiyyat hai

tāqat-e-pursish-e-bīmār kahāñ se lā.ūñ

ab mire kufr ko īmāñ nahīñ kahtā koī

tujh ko ai chashm-e-taraf-dār kahāñ se lā.ūñ

thā ye ghar bāb-e-duā misl-e-asar terā varūd

ab tujhe ai qadam-e-yār kahāñ se lā.ūñ

ai junun dasht mein diwar kahan se laun

main tamasha sahi bazar kahan se laun

yaad-e-ayyam ki kuchh sar mein samai thi hawa

ab wo TuTa hua pindar kahan se laun

kis se puchhun ki mera haal-e-pareshan kya hai

tujh ko ai aaina-bardar kahan se laun

meri un aankhon ne jaise tujhe dekha hi nahin

hae wo hasrat-e-didar kahan se laun

in nigahon mein tarasne ki si kaifiyyat hai

taqat-e-pursish-e-bimar kahan se laun

ab mere kufr ko iman nahin kahta koi

tujh ko ai chashm-e-taraf-dar kahan se laun

tha ye ghar bab-e-dua misl-e-asar tera warud

ab tujhe ai qadam-e-yar kahan se laun