ai KHwab-e-dil-nawaz na aa kar sata mujhe

ai ḳhvāb-e-dil-navāz na aa kar satā mujhe

hai niiñd aa.ī TuuT kar ba.ad-az-qazā mujhe

maiñ to jabīn-e-shauq pe likhtā gayā use

vo bhī nigāh-e-nāz se paḌhtā rahā mujhe

us kī ḳhirām-e-nāz pe marte rahe sabhī

lekin nuqūsh-e-la.al meñ dekhā gayā mujhe

vo zam hue kuchh aise mirī kā.enāt meñ

vo hī mileñge tum se jo doge sadā mujhe

ik phuul aur khil gayā ahd-e-bahār meñ

ik sang jab bhī taan ke maarā gayā mujhe

'sarvar' kī ek baat ne bedār kar diyā

chehre pe sard aab kā chhīñTā diyā mujhe

ai KHwab-e-dil-nawaz na aa kar sata mujhe

hai nind aai TuT kar baad-az-qaza mujhe

main to jabin-e-shauq pe likhta gaya use

wo bhi nigah-e-naz se paDhta raha mujhe

us ki KHiram-e-naz pe marte rahe sabhi

lekin nuqush-e-lal mein dekha gaya mujhe

wo zam hue kuchh aise meri kaenat mein

wo hi milenge tum se jo doge sada mujhe

ek phul aur khil gaya ahd-e-bahaar mein

ek sang jab bhi tan ke mara gaya mujhe

'sarwar' ki ek baat ne bedar kar diya

chehre pe sard aab ka chhinTa diya mujhe