ai KHwahish-e-yak-tarfa-e-taraj-e-junun sun

ai ḳhvāhish-e-yak-tarfa-e-tārāj-e-junūñ sun

sun dil ke qarīñ zamzama-e-kun-fayakūñ sun

sunñe kī hai jo taab to phir khol darīche

ai gosh-e-mohabbat mirā ahvāl-e-zubūñ sun

kyoñ is meñ jalātā nahīñ tū yaad kī sham.eñ

kab tak tū rahegā yuuñ tahī kunj-e-darūñ sun

ik baar vo aayā thā mirī ishrat-e-shab meñ

taarī hai mire dil pe vahī shām-e-fusūñ sun

ḳhamyāza-e-bedārī-e-shab jhel rahī huuñ

rūThā hai 'sahar' mujh se mirā ḳhvāb-e-darūñ sun

ai KHwahish-e-yak-tarfa-e-taraj-e-junun sun

sun dil ke qarin zamzama-e-kun-fayakun sun

sunne ki hai jo tab to phir khol dariche

ai gosh-e-mohabbat mera ahwal-e-zubun sun

kyon is mein jalata nahin tu yaad ki shamen

kab tak tu rahega yun tahi kunj-e-darun sun

ek bar wo aaya tha meri ishrat-e-shab mein

tari hai mere dil pe wahi sham-e-fusun sun

KHamyaza-e-bedari-e-shab jhel rahi hun

ruTha hai 'sahar' mujh se mera KHwab-e-darun sun