ai ki tu KHud hi be-naqab nahin

ai ki tū ḳhud hī be-naqāb nahīñ

yā mujhe hī nazar kī taab nahīñ

aap ke husn kā javāb nahīñ

chāñd sūraj nahīñ gulāb nahīñ

aap kaise haiñ soḳhta-sāmāñ

aap kā dil agar kabāb nahīñ

ik nazar hī to Daal de saaqī

gar tire jaam meñ sharāb nahīñ

mere zulmat-kade meñ niklā chāñd

ai ḳhudāvand kyā ye ḳhvāb nahīñ

kyā nahīñ ek bulbula sā saañs

kyā ye duniyā faqat sarāb nahīñ

zindagī meñ 'azāb haiñ lākhoñ

'ishq aisā koī 'azāb nahīñ

soch kar kuud bahr-e-ulfat meñ

sohnī ye koī chanāb nahīñ

'ishq aur is meñ fikr-e-sūd-o-ziyāñ

'ishq hai ye koī hisāb nahīñ

dekhtā huuñ to dekhe jaatā huuñ

terā chehra abhī kitāb nahīñ

kaifiyat hai ye dil kī piirī meñ

jaam to hai magar sharāb nahīñ

ham faqīroñ ko husn kī ḳhairāt

is se baḌh kar koī savāb nahīñ

ham faqīroñ ko husn kī ḳhairāt

is se baḌh kar koī savāb nahīñ

ab se us shoḳh ke haiñ ye andāz

aur us par abhī shabāb nahīñ

sāmne hai nazar nahīñ aatā

vo ki ho kar bhī be-hijāb nahīñ

ab bhī rone ko aañkh ro detī

ek qatra bhī is meñ aab nahīñ

maiñ bhī huuñ apnī bazm meñ ġhālib

ho muqābil kisī meñ taab nahīñ

ham ne dekhe haiñ sar-phire lākhoñ

ai 'amar' aap kā javāb nahīñ

ai ki tu KHud hi be-naqab nahin

ya mujhe hi nazar ki tab nahin

aap ke husn ka jawab nahin

chand suraj nahin gulab nahin

aap kaise hain soKHta-saman

aap ka dil agar kabab nahin

ek nazar hi to Dal de saqi

gar tere jam mein sharab nahin

mere zulmat-kade mein nikla chand

ai KHudawand kya ye KHwab nahin

kya nahin ek bulbula sa sans

kya ye duniya faqat sarab nahin

zindagi mein 'azab hain lakhon

'ishq aisa koi 'azab nahin

soch kar kud bahr-e-ulfat mein

sohni ye koi chanab nahin

'ishq aur is mein fikr-e-sud-o-ziyan

'ishq hai ye koi hisab nahin

dekhta hun to dekhe jata hun

tera chehra abhi kitab nahin

kaifiyat hai ye dil ki piri mein

jam to hai magar sharab nahin

hum faqiron ko husn ki KHairaat

is se baDh kar koi sawab nahin

hum faqiron ko husn ki KHairaat

is se baDh kar koi sawab nahin

ab se us shoKH ke hain ye andaz

aur us par abhi shabab nahin

samne hai nazar nahin aata

wo ki ho kar bhi be-hijab nahin

ab bhi rone ko aankh ro deti

ek qatra bhi is mein aab nahin

main bhi hun apni bazm mein ghaalib

ho muqabil kisi mein tab nahin

hum ne dekhe hain sar-phire lakhon

ai 'amar' aap ka jawab nahin