ai maut tu kahan hai tera intizar hai
ai maut tū kahāñ hai tirā intizār hai
milne ko tujh se dil ye mirā be-qarār hai
duniyā ko mujh se aaj bhī hai saḳht dushmanī
ik maiñ huuñ jis ko aaj bhī duniyā se pyaar hai
us ne to ḳhair mujh pe nigāh-e-karam na kī
aur ek merā dil hai jo us par nisār hai
vo tiir us ne mujh pe chalāyā ki pūchh mat
siine se yuuñ gayā hai ki bas dil ke paar hai
dīvāngī ke saath zarā 'aql bhī rakho
duniyā qadam qadam pe bahut hoshiyār hai
ai maut tu kahan hai tera intizar hai
milne ko tujh se dil ye mera be-qarar hai
duniya ko mujh se aaj bhi hai saKHt dushmani
ek main hun jis ko aaj bhi duniya se pyar hai
us ne to KHair mujh pe nigah-e-karam na ki
aur ek mera dil hai jo us par nisar hai
wo tir us ne mujh pe chalaya ki puchh mat
sine se yun gaya hai ki bas dil ke par hai
diwangi ke sath zara 'aql bhi rakho
duniya qadam qadam pe bahut hoshiyar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
