ai mere yar mere mezban-e-ranj-o-alam

ai mere yaar mire mezbān-e-ranj-o-alam

koī qarār bhī hai kyā miyān-e-ranj-o-alam

zavāl-e-hosh-o-samā'at hai rok de koī

ḳhitāb-e-zaḳhm-e-shikasta bayān-e-ranj-o-alam

har ek shai ki mayassar hai fasl-e-girya ko

zamīn-e-ġham pe sajā āsmān-e-ranj-o-alam

yahī hai dasht yahī ghar yahī nishāñ apnā

mazār-e-dil pe jo hai āstān-e-ranj-o-alam

hamīñ haiñ kabk-e-suḳhan bhī gul-e-ḳhamoshāñ bhī

hamīñ satā.e hue bāġhbān-e-ranj-o-alam

luTī nazar meñ hī utregā ‘aks-e-ġham apnā

shikasta-dil hī paḌheñge zabān-e-ranj-o-alam

ai mere yar mere mezban-e-ranj-o-alam

koi qarar bhi hai kya miyan-e-ranj-o-alam

zawal-e-hosh-o-sama'at hai rok de koi

KHitab-e-zaKHm-e-shikasta bayan-e-ranj-o-alam

har ek shai ki mayassar hai fasl-e-girya ko

zamin-e-gham pe saja aasman-e-ranj-o-alam

yahi hai dasht yahi ghar yahi nishan apna

mazar-e-dil pe jo hai aastan-e-ranj-o-alam

hamin hain kabk-e-suKHan bhi gul-e-KHamoshan bhi

hamin satae hue baghban-e-ranj-o-alam

luTi nazar mein hi utrega ‘aks-e-gham apna

shikasta-dil hi paDhenge zaban-e-ranj-o-alam